2016 წლის 8 დეკემბერს, ქ. დუშეთში, ყოფილი მუსიკალური სკოლის შენობაში ხუთი ქვეყნის ცხრა ისტორიული ქალაქის ხელმძღვანელი პირები და ევროპის საბჭოსა და ევროკავშირის წარმომადგენლები შეიკრიბნენ. შეხვედრაზე განიხილეს ევროპის საბჭოსა და ევროკავშირის ერთობლივი რეგიონალური პროექტის ,,თემის მიერ მართული ურბანული სტრატეგიები ისტორიულ ქალაქებში’’, (COMUS)-ის ფარგლებში შემუშავებული საპილოტე ქალაქების საბაზო გეგმები, სტრატეგიული ამოცანები და ადგილობრივი განვითარების ხელშეწყობისათვის პრიორიტეტული ქმედებების განხორციელების მექანიზმები.

საქართველოდან პროექტში მონაწილეობისათვის შეჩეულია დუშეთი და ჭიათურა, პროექტის განხორციელებას ეროვნულ დონეზე კოორდინაციას უწევს კულტურული მემკვიდრეობის დაცვის ეროვნული სააგენტო და კულტურისა და ძეგლთა დაცვის სამინისტრო.

სტუმრებმა თავდაპირველად დუშეთის ისტორიული ღირსშესანიშნაობები, მათ შორის, ჭილაშვილების ციხე-დარბაზი და ეზო დაათვალიერეს.

შეხვედრის დასასრულს საპილოტე ქალაქების ხელმძღვანელმა პირებმა ხელი მოაწერეს თანამშრომლობის დეკლარაციას, რაც საფუძვლად დაედება თანამშრომლობის გაგრძელებას პროექტის ფარგლებს მიღმა და მჭიდრო მეგობრული ურთიერთობები ჩამოყალიბდება საქართველოსა და მეზობელი ქვეყნის ისტორიულ ქალაქებს შორის.



იხ. ფოტომასალა:

https://www.facebook.com/pg/dushetismunicipaliteti/photos/?tab=album&album_id=1150640175055618



იხ. ვიდეომასალა:

https://www.youtube.com/watch?v=-KLig2aprsk&feature=youtu.be