ქ. დუშეთის მუნიციპალიტეტის მერიაში, ფასანაურის, ბარისახოსა და როშკას განაშენიანების გეგმების მომზადებასთან დაკავშირებით, სამუშაო შეხვედრა გაიმართა.

დუშეთის მუნიციპალიტეტის მერმა მაცაცო ნარიმანიძემ აღნიშნულ საკითხზე მომუშავე სამუშაო ჯგუფთან განიხილა ქ. დუშეთის გენერალური გეგმის შემუშავებასთან დაკავშირებით ყველა დეტალი.

დასასრულს, მხარეებმა რეკომენდაციები გაუზიარეს ერთმანეთს და აქტიურ თანამშრომლობაზე შეთანხმდნენ.

სამუშაო შეხვედრას ასევე, ესწრებოდნენ მუნიციპალიტეტის მერის პირველი მოადგილე ვასილ წიკლაური და მოადგილე ოთარ ჩხეიძე.

საქართველოს ადგილობრივ თვითმმართველობათა ეროვნული ასოციაციის ადვოკატირებით ,,ადგილობრივ ცხოვრებაში ქალთა და კაცთა თანასწორობის შესახებ’’ ევროპულ ქარტიას კიდევ 4 მუნიციპალიტეტი შეუერთდა.

ამჯერად დოკუმენტს ხელი მოაწერა დუშეთის მუნიციპალიტეტის მერმა მაცაცო ნარიმანიძემ, ასევე დედოფლისწყაროს, დმანისისა და ხაშურის მუნიციპალიტეტების პირველმა პირებმა.

ქარტია, რომელიც ევროპის მუნიციპალიტეტთა და რეგიონთა საბჭოს (CEMR) მიერ, 2006 წლის მაისში შეიქმნა, მუნიციპალიტეტებში ქალთა და კაცთა თანასწორობის გასაუმჯობესებლად, საკუთარი იურისდიქციის ფარგლებში, მუიციპალიტეტების მიერ ღონისძიებების გატარებას ისახავს მიზნად.

ქარტიაზე მიერთებით თითოეული ხელმომწერი მხარე კისრულობს ვალდებულებას შეადგინოს თანასწორობის სამოქმედო გეგმა, სადაც განსაზღვრული იქნება ის პრიორიტეტები, ქმედებები და რესურსები, რომლებიც ადგილობრივ დონეზე ქალთა და მამაკაცთა თანასწორობის უზრუნველსაყოფადაა საჭირო.

საქართველოში აღნიშნული ქარტიის ხელმომწერი სულ 30 თვითმმართველი ერთეულია, თუმცა დოკუმენტთან მიერთების მზადყოფნა სხვადასხვა მუნიციპალიტეტებმაც გამოთქვეს.

ქარტიის ადვოკატირება პროექტის – “ქალთა ლიდერობა დემოკრატიისთვის საქართველოში” ფარგლებში ხორციელდება, რომელსაც ა.თ.ე.ა გაეროს ქალთა ორგანიზაციის, შვეიცარიის განვითარებისა და თანამშრომლობის სააგენტოსა და ნორვეგიის მთავრობის მხარდაჭერით ახორციელებს.

სგშ-ის ანგარიშისა და სტრატეგიული დოკუმენტის საჯარო განხილვა - დუშეთის მუნიციპალიტეტის სოფ. ჭოპორტისა და სოფ. ახატანის ადმინისტრაციული ერთეულების სოფლებისა და მათი მიმდებარე ტერიტორიების სივრცის დაგეგმარების გეგმის პროექტი

სტრატეგიული დოკუმენტის დასახელება: სივრცის დაგეგმარების გეგმის პროექტი

სტრატეგიული დოკუმენტის განმახორციელებელი: სსიპ სივრცითი და ქალაქთმშენებლობითი განვითარების სააგენტო

სტრატეგიული დოკუმენტის განხორციელების ადგილი: დუშეთის მუნიციპალიტეტის სოფელი ჭოპორტისა და სოფელი ახატანის ადმინისტრაციული ერთეულების სოფლები და მათი მიმდებარე ტერიტორიები საჯარო განხილვის ორგანიზატორი: სსიპ სივრცითი და ქალაქთმშენებლობითი განვითარების სააგენტო

სტრატეგიული დოკუმენტისა და სგშ-ის ანგარიშის საჯარო განხილვის დრო და ადგილი:  2025 წლის 29 აპრილი, 12:00 საათი, დუშეთის მუნიციპალიტეტის მერიის ადმინისტრაციული შენობა (მის: ქ.დუშეთი, რუსთაველის ქუჩა №27)

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. წარმოდგენილი სტრატეგიულ დოკუმენტის პროექტთან და სგშ-ის ანგარიშთან დაკავშირებით წერილობითი შენიშვნები და მოსაზრებები შეგიძლიათ, წარუდგინოთ სსიპ გარემოს ეროვნულ სააგენტოს და 2025 წლის 19 მაისის ჩათვლით მისამართზე: ქ. თბილისი, დავით აღმაშენებლის გამზირი N150 ან ელფოსტაზე: eia@mepa.gov.ge (გთხოვთ, შენიშვნების/მოსაზრებების ელფოსტაზე გამოგზავნისას მიუთითოთ შემდეგი ადრესატი: სსიპ გარემოს ეროვნულ სააგენტოს).

დამატებით გაცნობებთ, რომ მოთხოვნის შემთხვევაში წარმოდგენილი დოკუმენტაციის ნაბეჭდი/მატერიალური ან ელექტრონული ვერსიის ხელმისაწვდომობას უზრუნველყოფს სსიპ გარემოსდაცვითი ინფორმაციისა და განათლების ცენტრი და დამგეგმავი ორგანო.

სტრატეგიული დოკუმენტის შესახებ შესახებ დეტალური ინფორმაცია იხილეთ
ბმულზე: https://ei.gov.ge/ka/info/e77cc739-bdd6-498f-89c7-025dd1d24357 .

დუშეთის მუნიციპალიტეტის მერმა მაცაცო ნარიმანიძემ, მერის წარმომადგენელთან დუშეთის ადმინისტრაციულ ერთეულში შალვა ინაშვილთან, მერიის კულტურის, სპორტისა და ახალგაზრდობის საქმეთა სამსახურის უფროსთან ქეთო წიკლაურთან და მერიის სხვა თანამშრომლებთან ერთად, ქალთა საერთაშორისო დღე პირადად მიულოცა საქართველოს ტერიტორიული მთლიანობისთვის ბრძოლებში დაღუპულთა ოჯახების წევრ ქალბატონებს, ასევე, პოლიციაში, სამედიცინო სფეროსა და სახანძროში მომუშავე ქალბატონებს.

მათ მადლობა გადაუხადა თავდაუზოგავი შრომისთვის და ჯანმრთელობა, მხნეობა, ბედნიერება, წარმატება და დიდხანს სიცოცხლე უსურვა.