დუშეთის მუნიციპალიტეტის მერი მაცაცო ნარიმანიძე საკრებულოს თავმჯდომარის მოადგილესთან გვანცა ესტატიშვილთან და შესაბამისი სამსახურების ხელმძღვანელებთან ერთად, გაეროს ქალთა ფონდისა და ფონდ"ტასოს" წარმომადგენლებს შეხვდა.

შეხვედრაზე სოფელ მაღაროსკარისა და სოფელ ჩარგალში მცხოვრებმა ქალებმა, მრგვალი მაგიდის ფორმატში, თემის დონეზე გამოკვეთილი პრიორიტეტები და საჭიროებები წარმოადგინეს.

დუშეთის მუნიციპალიტეტის მერმა ქალბატონებს აღნიშნული საკითხების თაობაზე, კომპეტენციის ფარგლებში დახმარება აღუთქვა და აღნიშნა, რომ ეს საკითხები გათვალისწინებულ იქნება შემდეგი წლის ადგილობრივი ბიუჯეტის დაგეგმვისას.

ცნობისათვის, 2022 წლიდან გაეროს ქალთა ორგანიზაცია (UN Women), კახეთის რეგიონალური განვითარების ფონდი (KRDF), ფონდი ტასო, და

ქეა საერთაშორისო კავკასიაში (CARE) ახორციელებენ 26-თვიან

პროექტს “ქალთა ეკონომიკური გაძლიერება სოციალური მობილიზაციისა და შესაძლებლობათა

მობილიზაციისა და შესაძლებლობათა განვითარების გზით”.

პროექტის ერთ-ერთი მიზანია გენდერული ბიუჯეტირების დანერგვის ხელშეწყობა და მოქალაქეთა

ჩართულობა ადგილობრივი ბიუჯეტირების პროცესში.

პროექტი ხორციელდება შვეიცარიის განვითარებისა და თანამშრომლობის სააგენტოსა (SDC) და ავსტრიის განვითარების სააგენტოს (ADC) მხარდაჭერით.