16-17 ნოემბერს ცნობილი ქართველი მწერლის, პოეტის, სცენარისტისა და კინორეჟისორის, არაერთი პრიზისა და ჯილდოს მფლობელის - გოდერძი ჩოხელის დაბადების 70-ე წლისთავისადმი მიძღვნილი ღონისძიება აღინიშნა.

ორი დღის განმავლობაში სხვადასხვა აქტივობა გაიმართა:

16 ნოემბერს, მამა თეოფანემ (წიკლაური), კიტოხის მთავარანგელოზის სახელობის ეკლესიაში გადაიხადა მწერლის სულის მოსახსენიებელი პანაშვიდი.

სოფელ ჩოხში, გოდერძი ჩოხელის ხსოვნის პატივსაცემად მთის ტრადიციული რიტუალი დოღი ჩატარდა;

ადგილზე მისულ სტუმრებს საშუალება ჰქონდათ დაეგემოვნებინათ ტრადიციული კერძები;

17 ნოემბერს, ქ. დუშეთის ილია ზაქაიძის სახელობის კულტურის სახლში, დუშეთის იაკობ ტრიპოლსკის სახელობის სახალხო თეატრის მსახიობებმა მაყურებელს წარუდგინეს თეატრალური წარმოდგენა მწერლის შემოქმედების შესახებ.

ასევე, შოთა რუსთაველის სახელობის სახელმწიფო თეატრის მსახიობმა ბაჩო ჩაჩიბაიამ გამართა მონო სპექტაკლი - „სანამ ცოცხალი ხარ, არ მოკვდები.“

ღონისძიებაზე დამსწრე მსახიობებმა წაიკითხეს გოდერძი ჩოხელის ნაწარმოებებიდან (შემოქმედებიდან) ნაწყვეტები და ისაუბრეს მწერლის შემოქმედებაზე.

მოეწყო მწერლის ცხოვრებისა და შემოქმედების ამსახველი ფოტოგამოფენა.

საღამოს უძღვებოდა თეატრმცოდნე ნიკა წულუკიძე.

ღონისძიებას, მოწვეულ სტუმრებთან და ადგილობრივ მოსახლეობასთან ერთად ესწრებოდნენ: საპარლამენტო უმრავლესობის წევრი დიმიტრი ხუნდაძე, დუშეთის მუნიციპალიტეტის მერი მაცაცო ნარიმანიძე, საკრებულოს თავმჯდომარე კახაბერ ჩიტაური და მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძე.

დღის დასასრულს, ქ. დუშეთის ცენტრალურ მოედანზე, ჯგუფ „ურსას“ სოლო კონცერტი გაიმართა.

16-17 ნოემბერს გაიმართება ცნობილი ქართველი მწერლის, პოეტის, სცენარისტისა და კინორეჟისორის - გოდერძი ჩოხელის დაბადების 70-ე წლისთავისადმი მიძღვნილი ღონისძიება.

ორი დღის განმავლობაში დაგეგმილია სხვადასხვა აქტივობა:

16 ნოემბერს, სოფელ ჩოხში ღონისძიება დაიწყება 12:00 საათზე.

ჩატარდება დოღი; ტრადიციული სამზარეულოს დაგემოვნება;

მამა თეოფანე (წიკლაური) გადაიხდის მწერლის სულის მოსახსენიებელ პანაშვიდს;

17 ნოემბერს, 15:00 საათზე, ქ. დუშეთის ილია ზაქაიძის სახელობის კულტურის სახლში, დუშეთის იაკობ ტრიპოლსკის სახელობის სახალხო თეატრის მსახიობები მაყურებელს წარუდგენენ თეატრალურ წარმოდგენას მწერლის შემოქმედების შესახებ.

ასევე, შოთა რუსთაველის სახელობის სახელმწიფო თეატრის მსახიობი ბაჩო ჩაჩიბაია წარმოადგენს მონო სპექტაკლს - „სანამ ცოცხალი ხარ, არ მოკვდები.“

ღონისძიებაზე დამსწრე მსახიობები წაიკითხავენ გოდერძი ჩოხელის შემოქმედებიდან ნაწყვეტებს.

საღამოს გაუძღვება მსახიობი ნიკა წულუკიძე.

19:00 საათზე, ქ. დუშეთის ცენტრალურ მოედანზე, ანსამბლი ურსა გამართავს სოლო კონცერტს.

გთხოვთ, მობრძანდეთ.

ამ ეტაპისათვის გზის დაგების სამუშაოები დასრულდა პირმისაანთკარში, კარიაულთ დასახლებაში, თანიაანთკარსა და წითელსოფელში.

სოფელ პირმისაანთკარში შესრულებული პროექტი მცხეთა-მთიანეთის მხარის სახელმწიფო რწმუნებულმა დავით ნოზაძემ, საპარლამენტო უმრავლესობის წევრმა დიმიტრი ხუნდაძემ, დუშეთის მუნიციპალიტეტის მერმა მაცაცო ნარიმანიძემ და საკრებულოს თავმჯდომარე კახაბერ ჩიტაურმა, თვითმმართველობის სხვა წარმომადგენლებთან ერთად მოინახულეს.

გზების სამშენებლო-სარეაბილიტაციო სამუშაოები დაფინანსდა როგორც ადგილობრივი ბიუჯეტიდან, ასევე რეგიონებში განსახორციელებელი პროექტების ფონდიდან. ჩატარებული სამუშაოების შედეგად:

წითელსოფელში ასფალტის საფარი დაიგო 1.5 კმ-ზე მეტი სიგრძის გზაზე, პროექტის ღირებულება 740 300 ლარს აღემატება.

1 კმ-მდე ასფალტის საფარი დაიგო პირმისაანთკარში, სადაც სამუშაოებზე 658 500 ლარზე მეტი გაიხარჯა.

კარიაულთ დასახლებაში 555 400 ლარზე მეტი ღირებულების პროექტი სამ მონაკვეთზე განხორციელდა, ჯამში კეთილმოეწყო 1.5-მდე გზა.

750 მეტრი სიგრძის გზაზე რკინა-ბეტონის საფარი დაიგო თანიანთკარში, სადაც სამუშაოების ღირებულებამ 582 700 ლარზე მეტი შეადგინა.

ადგილობრივი ხელისუფლების წარმომადგენლების განცხადებით, საგზაო ინფრასტრუქტურის კეთილმოწყობის მიზნით, პროექტები მომავალშიც ინტენსიურად განხორციელდება.

დუშეთის მუნიციპალიტეტის 30 წარჩინებული მოსწავლე პორტატული კომპიუტერით დაჯილდოვდა.

დაჯილდოების ღონისძიება ქ. დუშეთის ილია ზაქაიძის სახელობის კულტურის სახლში გაიმართა.

წარჩინებულ მოსწავლეებს კომპიუტერები დუშეთის მუნიციპალიტეტის მერმა მაცაცო ნარიმანიძემ, საკრებულოს თავმჯდომარე კახაბერ ჩიტაურმა, მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძემ, დუშეთის მუნიციპალიტეტის საკრებულოს წევრმა გიორგი ასლამაზიშვილმა და დუშეთის საგანმანათლებლო რესურსცენტრის ხელმძღვანელმა დავით ოსეფაშვილმა გადასცეს.

განათლებისა და მეცნიერების სამინისტროს საჩუქარს, პროექტ „ჩემი პირველი კომპიუტერის“ ფარგლებში, ის მოსწავლეები იღებენ, რომლებმაც საბაზისო საფეხური წარჩინებით დაამთავრეს.

აღნიშნული პროექტი უკვე რამდენიმე წელია ხორციელდება და მიზნად მოსწავლეთა მოტივაციის გაზრდასა და ცოდნის ამაღლებას ისახავს.