დუშეთის მუნიციპალიტეტის ყველა სოფელში უკვე გაიმართა სოფლის მხარდაჭერის პროგრამის ფარგლებში დაგეგმილი მოსახლეობის საერთო კრებები, სადაც ადგილობრივებმა პროგრამით გათვალისწინებული თანხის გამოყენება ყველაზე მნიშვნელოვანი პრობლემების მოსაგვარებლად გადაწყვიტეს.

თითოეულ სოფელში მერის წარმომადგენელი და საკრებულოს მაჟორიტარი დეპუტატი შევხვდნენ მოსახლეობას და გააცნეს 2022 წლის სოფლის მხარდაჭერის პროგრამის პრიორიტეტები, რომელთა შორისაა:

სასმელი წყლის სისტემები (მათ შორის ჭაბურღილები, წყალსადენები, სათავე და გამწმენდი ნაგებობები, ჭა და ა.შ);

სარწყავი სისტემები;

სანიაღვრე არხები; ნაპირსამაგრი სამუშაოები;

გზები და გზისპირა მოსაცდელები; ხიდები, ცხაურები, ხიდბოგირები, გადასასვლელები;

გარე განათება;

სკოლების მიმდებარე ტერიტორიის კეთილმოწყობა;

სკოლამდელი დაწესებულებები და შესაბამისი ინვენტარი;

ამბულატორიის შენობები;

სასაფლაოების შემოღობვა და კეთილმოწყობა;

სპორტული ინფრასტრუქტურა, მოედნები და მოედნების ინვენტარი; სკვერები, მათ შორის საბავშვო სკვერები შესაბამისი ინვენტარით, სარეკრეაციო სივრცეები და სველი წერტილები შესაბამისი ინვენტარით;

მინიჰესები და შესაბამისი რეაბილიტაცია/აღდგენა და სხვ.

აღსანიშნავია რომ ამ ეტაპზე პროგრამის ფარგლებში, დუშეთის მუნიციპალიტეტისათვის გამოყოფილია 2 812 000 ლარი.