პრემიერის გადაწყვეტილებით, რეგიონის სახელმწიფო რწმუნებულებისა და მთავრობის რეგიონებთან ურთიერთობის დეპარტამენტის ჩართულობით, მთელი საქართველოს მასშტაბით, უკრაინელი ხალხის დასახმარებლად, 100 ტონაზე მეტი ჰუმანიტარული ტვირთი შეგროვდა. ტვირთი უკრაინაში ხვალ გაიგზავნება.

უკრაინელი მოსახლეობის დასახმარებლად ჰუმანიტარული ტვირთის პირველი ნაწილი დუშეთის მუნიციპალიტეტიდან თბილისში დღეს გაიგზავნა.

აქციის ფარგლებში, დუშეთის მუნიციპალიტეტის მერიისა და საკრებულოს, ადგილობრივი მოსახლეობისა და სხვადასხვა ქვეყანაში მცხოვრები ემიგრანტების ჩართულობით პირველადი საჭიროების ნივთები, მედიკამენტები და არამალფუჭებადი პროდუქტები შეგროვდა.

დუშეთის მუნიციპალიტეტის მერია მადლობას უხდის თითოეულ მოქალაქეს უკრაინის დასახმარებელ ჰუმანიტარულ აქციაში აქტიური ჩართულობისთვის.