დუშეთის მუნიციპალიტეტის მერიისა და საკრებულოს ინიციატივითა და ა(ა)იპ "ინვესტიციების და ჰუმანიტარული პროექტების გაერთიანების" ორგანიზებით, ა(ა)იპ „უფასო სასადილო მზრუნველობამოკლებულთათვის“ ბენეფიციარებს, პირველადი საჭიროების ნივთები და მედიკამენტები გადაეცათ.

️ბენეფიციარებთან ადგილზე იმყოფებოდნენ მუნიციპალიტეტის მერის პირველი მოადგილე ვასილ წიკლაური, საკრებულოს სოციალურ საკითხთა კომისიის თავმჯდომარე გიორგი ასლამაზიშვილი და რეგიონული ორგანიზაციის ხელმძღვანელი გიორგი ატაშვილი.

შეგახსენებთ, რომ გარდა მსგავსი ჰუმანტარული ღონისძიებებისა, "ინვესტიციებისა და ჰუმანიტარული პროექტების გაერთიანებას" დუშეთის მუნიციპალიტეტის სოფლებში განხორციელებული აქვს 5 სხვადასხვა ინფრასტრუქტურული პროექტი, რომელთა საგრანტო ღირებულება ნახევარ მილიონს აღემატება. მათ შორის: ბულაჩაურის, ანანურის, ციხისძირის, ოძისის და ჩანადირთკარის სასმელი წყლის სისტემის რეაბილიტაციის მიმართულებით. ორგანიზაციის დახმარებით, დუშეთის მუნიციპალიტეტს აგრეთვე საჩუქრად გადაეცა 94 000 აშშ დოლარის ღირებულების გრეიდერის ტექნიკა და ის კვლავაც გააგრძელებს აღნიშნული მიმართულებებით მუშაობას მუნიციპალიტეტში.