9 მაისს, ქალაქ დუშეთში, ფაშიზმზე გამარჯვების 79-ე წლისთავი აღინიშნა.

დუშეთის მუნიციპალიტეტის მერმა მაცაცო ნარიმანიძემ, საკრებულოს თავმჯდომარე კახაბერ ჩიტაურთან და მცხეთა-მთიანეთის სახელმწიფო რწმუნებულის მოადგილე გოჩა ქავთარაძესთან ერთად ქალაქში მდებარე მეორე მსოფლიო ომში დაღუპულთა მემორიალი ყვავილების გვირგვინით შეამკო.

მაცაცო ნარიმანიძემ საზოგადოებას 9 მაისის დღესასწაული მიულოცა და ამ დღის მნიშვნელობაზე ისაუბრა.

ღონისძიებაში, ადგილობრივ მოსახლეობასთან ერთად ასევე მონაწილეობა მიიღეს მუნიციპალიტეტის მერიისა და საკრებულოს წარმომადგენლებმა.

საქართველოს მთავრობის განკარგულებით, ფაშიზმზე გამარჯვების 79-ე წლისთავთან დაკავშირებით, მეორე მსოფლიო ომის მონაწილეები ერთჯერადი ფულადი სოციალური დახმარების სახით - 2000 ლარს, ხოლო მეორე მსოფლიო ომში დაღუპულთა ოჯახის წევრები 1000 ლარს მიიღებენ.