დუშეთის მუნიციპალიტეტის მერის მაცაცო ნარიმანიძის ინიციატივითა და ა(ა)იპ "დუშეთის მუნიციპალიტეტის კეთილმოწყობის სამსახურის" ორგანიზებით, ქალაქ დუშეთში გამწვანების აქცია გაიმართა.

აქციის ფარგლებში, ქალაქის სასაფლაოს მიმდებარე ტერიტორიაზე 100-მდე წიწვოვანი ნერგი დაირგო.

დუშეთის მუნიციპალიტეტის მერიის, ორგანიზაცია "მწვანეთა მოძრაობა/დედამიწის მეგობრების" და კეთილმოწყობის სამსახურის თანამშრომლებთან ერთად, აქციაში მონაწილეობდა დუშეთის მუნიციპალიტეტის მერის პირველი მოადგილე ვასილ წიკლაური, რომლის თქმითაც, ეკოლოგიური მიმართულებით ქალაქზე ზრუნვა კვლავ გაგრძელდება და მუნიციპალიტეტის მასშტაბით, მსგავსი ტიპის აქციები, პერიოდულად დაიგეგმება.