მერიის სიახლეები
აგვისტო
7 სექტემბერს, ქალაქ დუშეთში სახალხო დღესასწაული „დუშეთობა-მთაბარობა“ აღინიშნება.
ღონისძიების ფარგლებში, ქალაქის მოედანზე და მის მიმდებარე ტერიტორიაზე, 15:30 საათიდან 22:00 საათამდე მრავალფეროვანი აქტივობები გაიმართება.
მათ შორის მოეწყობა საბავშვო გასართობი სივრცეები, ეთნოგრაფიული კუთხეები, ადგილობრივი პროდუქციის გამოფენა-გაყიდვა.
ასევე, ჩატარდება კონცერტები ადგილობრივი და მოწვეული ინდივიდუალური შემსრულებლების, ანსამბლებისა თუ მუსიკალური ჯგუფების მონაწილეობით.
მოსულ სტუმრებს ადგილზე, აგრეთვე, დახვდებიან აზოტ-შოუს და ცეცხლოვანი შოუს ოსტატები.
ღონისძიების მთავარი სტუმრები არიან ჯგუფი „გუფი-ლენდი“ და ჯგუფი „რეგიონი“.
ღონისძიებას 22:00 საათზე გრანდიოზული ფოიერვერკი დაასრულებს.
ღონისძიების წამყვანია დუტა სხირტლაძე.