სპორტის სამინისტრომ დუშეთის მუნიციპალიტეტის დაბა ფასანაურის სპორტის დაწესებულებას ინვენტარი და ეკიპირება გადასცა

საქართველოს კულტურისა და სპორტის სამინისტრო მაღალმთიანი მუნიციპალიტეტებისთვის შეძენილი სპორტული ინვენტარისა და ეკიპირების გადაცემას აგრძელებს. ამჯერად ინვენტარი და ეკიპირება თიანეთის, დუშეთის, ახმეტის, ხაშურის, ქარელისა და გორის მუნიციპალიტეტებმა მიიღეს.

მუნიციპალიტეტებისთვის ინვენტარისა და ეკიპირების გადაცემას საქართველოს კულტურისა და სპორტის მინისტრის პირველი მოადგილე იოსებ ბაღათურია, სახელმწიფო რწმუნებული მცხეთა-მთიანეთის მხარეში დავით ნოზაძე, პარლამენტის უმრავლესობის წევრი დიმიტრი ხუნდაძე, სახელმწიფო რწმუნებულის პირველი მოადგილე გიორგი ჩიფჩიური, დუშეთის მუნიციპალიტეტის მერი მაცაცო ნარიმანიძე და მუნიციპალიტეტის ხელმძღვანელი პირები, ვეტერანი სპორტსმენები, ადგილობრივი სპორტული ორგანიზაციებისა და კლუბების აღსაზრდელები ესწრებოდნენ.

თითოეულ მუნიციპალიტეტს ინვენტარი და ეკიპირება გადაეცა სპორტული ორგანიზაციებისა და კლუბების ხელმძღვანელებთან შეთანხმებით, მწვრთნელებისა და მოსწავლეების საჭიროებების გათვალისწინებით, კერძოდ:

ა(ა)იპ დუშეთის მუნიციპალიტეტის სპორტულ გაერთიანებას გადაეცა ტატამები, მკლავჭიდის მაგიდები, კროსფიტის თოკები, ლახტები, სავარჯიშო მძიმე ჟილეტები, მეკარის ხელთათმანი, შტანგა ფიცარნაგით, ჰანტელები, შტანგის ღერძები, შვედური კედლები, ორძელები, კიმონოები, ფეხბურთის ბადეები, ფეხბურთის ბურთი, სავარჯიშო რეზინები, ბაგირები, სასწორები;

აღსანიშნავია, რომ მუნიციპალიტეტში სპორტულ ინვენტარს არა მარტო სპორტული ორგანიზაციის აღსაზრდელები, არამედ, საჭიროების შემთხვევაში, ასაკობრივი და ეროვნული ნაკრებების წევრებიც გამოიყენებენ.

არაგვის დაცული ლანდშაფტის გაფართოებასთან დაკავშირებით, დუშეთის მუნიციპალიტეტის მერიაში სამუშაო-საკონსულტაციო შეხვედრა გაიმართა.

არაგვის დაცული ლანდშაფტი შეიქმნა 2021 წელს, რომელიც მოიცავს 99 802 ჰექტარზე არსებული ღირებული ჰაბიტატებით მდიდარ ტერიტორიას.

არაგვის დაცული ლანდშაფტი კავკასიონის სამხრეთ ფერდობებზე მდებარეობს და მიეკუთვნება ფშავის, გუდამაყრის, პირაქეთა ხევსურეთისა და პირიქითა ხევსურეთის ხეობები.

არაგვის დაცული ლანდშაფტის აღნიშნული ხეობებით გაფართოების შემთხვევაში, არაგვის დაცულ ლანდშაფტს დაემატება 11 854 ჰა. ხოლო ა(ა)იპ არაგვის დაცული ლანდშაფტის ადმინისტრაციის თანამშრომლების რაოდენობა გაიზრდება სამით.

შეხვედრას ესწრებოდნენ დუშეთის მუნიციპალიტეტის მერი მაცაცო ნარიმანიძე, გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის ხელმძღვანელი კარლო ამირგულაშვილი, ხორხისა და ვაშლობის ხეობების წარმომადგენლები.

დუშეთის მუნიციპალიტეტში, ჭართლის ადმინისტრაციული ერთეულის სოფელ ჭართალში ა(ა)იპ დუშეთის საბიბლიოთეკო გაერთიანების ახალი ფილიალი გაიხსნა.

ბიბლიოთეკა განთავსებულია ადმინისტრაციულ შენობაში. შევსებულია ახალი წიგნადი ფონდით და აღჭურვილია შესაბამისი ინვენტარით.

ბიბლიოთეკის გახსნას, საბიბლიოთეკო გაერთიანების თანამშრომლებთან ერთად ესწრებოდნენ დუშეთის მუნიციპალიტეტის მერი მაცაცო ნარიმანიძე, მოადგილე ოთარ ჩხეიძე, საკრებულოს თავმჯდომარე კახაბერ ჩიტაური, მცხეთა-მთიანეთის სახელმწიფო რწმუნებულის მოადგილე გოჩა ქავთარაძე და ადგილობრივი ხელისუფლების სხვა წარმომადგენლები.

„ძალიან სასიხარულო ფაქტია, რომ მუნიციპალიტეტში კიდევ ერთი საბიბლიოთეკო გაერთიანების ფილიალი გაიხსნა, რომელიც შესაძლებლობას მისცემს ადგილობრივებს გაეცნონ მათთვის საჭირო და საინტერესო ლიტერატურას. დარწმუნებული ვარ, ბევრი მკითხველი ეყოლება ახალ ბიბლიოთეკას,“ - განაცხადა მაცაცო ნარიმანიძემ.

ქალაქ დუშეთში, კობიაანთ დასახლებაში, მიმდინარეობს დემეტრე თავდადებულის ქუჩის მოასფალტების სამუშაოები.

პროექტით, რომლის ღირებულებაც 391400 ლარზე მეტს შეადგენს, გათვალისწინებულია 563 მეტრის მონაკვეთზე ასფალტის საფარის დაგება.

აღნიშნული გზის მოწყობის სამუშაოები დუშეთის მუნიციპალიტეტის მერმა მაცაცო ნარიმანიძემ, მოადგილე - ოთარ ჩხეიძესთან ერთად დაათვალიერა.

აღსანიშნავია, რომ მუნიციპალიტეტის ხელმძღვანელობა, შესაბამისი სამსახურის წარმომადგენლებთან ერთად ყოველდღიურ მონიტორინგს ახორციელებს მიმდინარე ინფრასტრუქტურულ პროექტებზე.

„საგზაო ინფრასტრუქტურისა მოწყობა ჩვენთვის ერთ-ერთი პრიორიტეტია. განხორციელებული სამუშაოების შედეგად მოსახლეობას შეექმნება უსაფრთხო და კომფორტული გარემო“ - განაცხადა მაცაცო ნარიმანიძემ.