• მთავარი
  • მუნიციპალიტეტი
  • მერია
  • საკრებულო
  • აქტები
  • საჯარო ინფორმაცია
  • კონტაქტი
  • KA EN
    18
    ივლისი

    ბერძნულ-ქართულ კულტურულ ასოციაციასთან არსებულმა ქართული ხალხური სიმღერისა და ცეკვის ანსამბლმა „ივერიელებმა“, ადგილობრივ ცეკვის ანსამბლ „შადიანთან“ ერთად კონცერტი გამართა

    ბერძნულ-ქართულ კულტურულ ასოციაციასთან არსებულმა ქართული ხალხური სიმღერისა და ცეკვის ანსამბლმა „ივერიელებმა“, ადგილობრივ ცეკვის ანსამბლ „შადიანთან“ ერთად, დუშეთის კულტურის სახლში კონცერტი გამართა.

    ღონისძიება ბერძნულ-ქართული კულტურული ასოციაცის ინიციატივითა და დუშეთის მუნიციპალიტეტის მერიის ხელშეწყობით გაიმართა.

    აღსანიშნავია, რომ „ივერიელების“ წევრები საბერძნეთში მცხოვრები ქართველი ემიგრანტები არიან, რომლებიც აქტიურად არიან ჩართულნი ქართული კულტურის შესწავლაში. სწავლობენ ქართულ სიმღერასა და ცეკვას.

    ამ სახით ისინი ინარჩუნებენ სამშობლოსთან კავშირს.

    კონცერტის დასასრულს, დუშეთის მუნიციპალიტეტის მერიამ ბერძნულ-ქართული კულტურული ასოციაციის წარმომადგენლებს სიმბოლური საჩუქრები გადასცა.

    17
    ივლისი

    ყოველკვირეული სამუშაო შეხვედრა

    მუნიციპალიტეტში მიმდინარე ინფრასტუქტურულ სამუშაოებთან დაკავშირებით, დუშეთის მუნიციპალიტეტის მერმა მაცაცო ნარიმანიძემ და მერის მოადგილე ოთარ ჩხეიძემ, კონტრაქტორი კომპანიების და რეგიონული სამშენებლო საზედამხედველო შპს "მშენ-ექსპერტის" წარმომადგენლებთან, ყოველკვირეული სამუშაო შეხვედრა გამართეს.

    შეხვედრაზე, მერიის შესაბამისი სამსახურის ხელმძღვანელებთან ერთად, დეტალურად განიხილეს მუნიციპალიტეტში განსახორციელებელი ინფრასტრუქტურული პროექტები.

    ასევე, შეფასდა მიმდინარე სამუშაოები და მონიტორინგის შედეგები.

    „ყველა სამუშაო უნდა შესრულდეს მოცემულ ვადებში და რაც მთავარია, ხარისხიანად. ამიტომ ინფრასტრუქტურული პროექტების მონიტორინგი ყოველდღიურ რეჟიმში ხორციელდება“- განაცხადა დუშეთის მუნიციპალიტეტის მერმა მაცაცო ნარიმანიძემ.

    მსგავსი ტიპის შეხვედრები დუშეთის მუნიციპალიტეტის მერიაში, პროექტების მონიტორინგისა და სამუშაოების ხარისხის შემოწმების მიზნით, ყოველკვირეულად იმართება.

    9
    ივლისი

    საქართველოს ადგილობრივ თვითმმართველობათა ეროვნული ასოციაციის ინიციატივითა და ორგანიზებით ჩამოყალიბებული ინტერმუნიციპალური პლატფორმები ინტენსიურ რეჟიმში განაგრძობენ ფუნქციონირებას

    საქართველოს ადგილობრივ თვითმმართველობათა ეროვნული ასოციაციის ინიციატივითა და ორგანიზებით ჩამოყალიბებული ინტერმუნიციპალური პლატფორმები ინტენსიურ რეჟიმში განაგრძობენ ფუნქციონირებას.

    ამჯერად მეორე შეხვედრა დუშეთის მუნიციპალიტეტის მერიაში გაიმართა მცხეთა-მთიანეთის თვითმმართველი ერთეულებისთვის, რომელიც სრულად მოიცავდა პერსონალური ასისტენტის სერვისზე მსჯელობას.

    შეხვედრა ათეა-ს ვიცე-პრეზიდენტმა, დუშეთის მუნიციპალიტეტის მერმა მაცაცო ნარიმანიძემ, ათეა-ს აღმასრულებელ დირექტორთან, ნინო რუხაძესთან ერთად გახსნა.

    გამომსვლელების განცხადებით, მუნიციპალიტეტებისთვის დელეგირებული სოციალური სფეროს უფლებამოსილებების გადაცემას თან ერთვის საჭიროებები, აღნიშნული პლატფორმა კი ხელს უწყობს თვითმმართველ ერთეულებს მიმდინარე პროგრამების შესახებ ცოდნის, ინფორმაციისა და პრაქტიკის გაზიარებაში, რაც შემდგომში ერთიანი მექანიზმების შემუშავებასა და მოსახლეობისთვის ეფექტიანი სერვისების მიწოდებაზე აისახება.

    დამსწრე საზოგადოებას ასევე მისასალმებელი სიტყვით მიმართეს

    საქართველოს რეგიონული განვითარებისა და ინფრასტრუქტურის სამინისტროს რეგიონებსა და ადგილობრივი თვითმმართველობის ორგანოებთან ურთიერთობების დეპარტამენტის უფროსმა ნიკოლოზ როსებაშვილმა, საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სოციალური დაცვის, დევნილთა და შრომის პოლიტიკის დეპარტამენტის უფროსმა თამარ კურტანიძემ, ექსპერტმა ადგილობრივი თვითმმართველობის საკითხებში ალექსანდრე სვანიშვილმა და UNICEF-ის წარმომადგენელმა ნინო დავითაშვილმა.

    შეხვედრის პირველ ნაწილში ათეა-ს ექსპერტმა ნინო ზურაბიშვილმა დამსწრე საზოგადოებას პერსონალური ასისტენტის სერვისის დელეგირების საკანონმდებლო საფუძვლები გააცნო, თამარ კურტანიძემ კი, დეტალურად მიმოიხილა აღნიშნული სერვისი და არსებულ პრაქტიკაზე ისაუბრა.

    პრეზენტაციების შემდეგ შეხვედრა დისკუსიის ფორმატში წარიმართა, რომლის ფარგლებშიც მონაწილეებმა პერსონალური ასისტენტის სერვისის დელეგირების გამოწვევებზე იმსჯელეს.

    ღონისძიებაში, რომელიც დუშეთის მუნიციპალიტეტის მერიაში მოეწყო, ჩართულნი იყვნენ მცხეთა-მთიანეთის რეგიონის მუნიციპალიტეტების სოციალური სამსახურებისა და განყოფილებების თანამშრომლები, შეხვედრაში ასევე მონაწილეობდა ათეა-ს აღმასრულებელი დირექტორის მოადგილე ლაშა არჩვაძე.

    8
    ივლისი

    ილია ზაქაიძის დაბადებიდან 100 წლის იუბილესადმი მიძღვნილი ღონისძიება

    ✅ დუშეთის მუნიციპალიტეტის მერიის ხელშეწყობით, ქ. დუშეთში საქართველოს სახალხო არტისტის - ილია ზაქაიძის დაბადებიდან 100 წლის იუბილესადმი მიძღვნილი ღონისძიება გაიმართა, რომლის ფარგლებშიც ჩატარდა სიმღერისა და ცეკვის სახელმწიფო ანსამბლ „ერისიონის“ სოლო კონცერტი.

    🔹კონცერტის დაწყებამდე, ქ. დუშეთის წმ. ნიკოლოზის ტაძრის მოძღვარმა მამა გრიგოლმა (მგელიაშვილი) მომღერლის საფლავზე სულის მოსახსენიებელი პანაშვიდი გადაიხადა.

    🔖ღონისძიებას შეკრებილ საზოგადოებასთან და თვითმმართველობის წარმომადგენლებთან ერთად ესწრებოდნენ დუშეთის მუნიციპალიტეტის მერი მაცაცო ნარიმანიძე და მცხეთა-მთიანეთის სახელმწიფო რწმუნებულის მოადგილე გოჩა ქავთარაძე.

    🔹მომღერალი, საქართველოს სახალხო არტისტი, სიმღერისა და ცეკვის სახელმწიფო ანსამბლის სოლისტი ილია ზაქაიძე 1924 წლის 7 ივლისს ქალაქ დუშეთში დაიბადა. მას მიღებული აქვს უამრავი ჯილდო, მათ შორის ღირსების ორდენი და საპატიო სიგელები.

    🔹ილია ზაქაიძისა და როსტომ საგინაშვილის მიერ ერთად შესრულებული სიმღერა „ჩაკრულო“ 1977 წელს „ნასამ“ კოსმოსში გაგზავნა.

    🔹აღსანიშნავია, რომ 2014 წელს, ქალაქ დუშეთში ილია ზაქაიძის 90 წლის იუბილესადმი მიძღვნილი საღამო გაიმართა, რომელშიც მონაწილეობდა ცეკვისა და სიმღერის ანსამბლი "ერისიონი".

    2
    ივლისი

    საკრებულოს წევრის - ია ვარსიმაშვილის ინიციატივა

         დუშეთის მუნიციპალიტეტის საკრებულოს წევრის ია ვარსიმაშვილის ინიციატივა - დუშეთის მუნიციპალიტეტის ბაზალეთის ადმინისტრაციული ერთეულის სოფელ ვარსიმაანში მდებარე პირველ ქუჩის და ქეთევან წამებულის ქუჩის ნაწილისთვის სოფელ ვარსიმაანის ადმინისტრაციულ საზღვარში აფხაზეთის ომში დაღუპული ზურაბ ვარსიმაშვილის სახელის მინიჭების შესახებ.

    დაინტერესებულ პირებს საკუთარი მოსაზრებები წარმოდგენა შეგიძლიათ ინფორმაციის გამოქვეყნებიდან 20 დღის ვადაში, ელექტრონული ფოსტის მისამართზე - dusheti.mun@gmail.com

    საკრებულოს წევრის ია ვარსიმაშვილის განცხადება

    ციალა ვარსიმაშვილის განცხადება 

    დუშეთის მუნიციპალიტეტის საკრებულო-სივრცით - ტერიტორიული დაგეგმარების და ინფრასტრუქტურის კომისიის დასკვნა

    ორთოფოტო 

    ზურაბ ვარსიამშვილის ფოტოსურათი 1

    ზურაბ ვარსიამშვილის ფოტოსურათი 2

    ზურაბ ვარსიამშვილის ფოტოსურათი 3

    2
    ივლისი

    საკრებულოს წევრის - ია ვარსიმაშვილის ინიციატივა

        დუშეთის მუნიციპალიტეტის საკრებულოს წევრის ია ვარსიმაშვილის ინიციატივა - დუშეთის მუნიციპალიტეტის ბაზალეთის ადმინისტრაციული ერთეულის სოფელ ვარსიმაანში მდებარე მეორე ქუჩის, მეორე ქუჩის I ჩიხის და მე-5 ქუჩისთვის აფხაზეთის ომში დაღუპული დავით ვარსიმაშვილის სახელის მინიჭების შესახებ.

    დაინტერესებულ პირებს საკუთარი მოსაზრებები წარმოდგენა შეგიძლიათ ინფორმაციის გამოქვეყნებიდან 20 დღის ვადაში, ელექტრონული ფოსტის მისამართზე - dusheti.mun@gmail.com

    საკრებულოს წევრის ია ვარსიმაშვილის განცხადება

    თინათინ ვარსიმაშვილის განცხადება 

    დუშეთის მუნიციპალიტეტის საკრებულო-სივრცით - ტერიტორიული დაგეგმარების და ინფრასტრუქტურის კომისიის დასკვნა

    ორთოფოტო 

    დავით ვარსიამშვილის ფოტოსურათი

    16
    დეკემბერი

    25 დეკემბერს ქ. დუშეთის ცენტრალურ მოედანზე საახალწლო ღონისძიება გაიმართება. დასაწყისი: ⏰ 14:00 საათი

    21
    თებერვალი

    25 თებერვალს, 10:30 სთ-ზე, ჩატარდება დუშეთის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის სხდომა.