• მთავარი
  • მუნიციპალიტეტი
  • მერია
  • საკრებულო
  • აქტები
  • საჯარო ინფორმაცია
  • კონტაქტი
  • KA EN
    23
    მაისი

    მაცაცო ნარიმანიძე ასოციაცია „საქართველოს ეს-ო-ეს ბავშვთა სოფლის" წარმომადგენლებს შეხვდა

    სამუშაო ვიზიტის ფარგლებში, დუშეთის მუნიციპალიტეტის მერი მაცაცო ნარიმანიძე შეხვდა ასოციაცია „საქართველოს ეს-ო-ეს ბავშვთა სოფლის" წარმომადგენლებს - თბილისის პროექტის დირექტორს მარინა შაღაშვილსა და ალტერნატიული ზრუნვის ლიდერ ირინა ბექურიძეს.

    შეხვედრას ასევე ესწრებოდა მუნიციპალიტეტის მერიის ჯანმრთელობისა და სოციალური დაცვის სამსახურის უფროსი თამილა ნადირაშვილი.

    ასოციაცია, ბავშვთა კეთილდღეობის სფეროს მიმართულებით, საქართველოში 1989 წლიდან საქმიანობს.

    2024-2026 წლების განმავლობაში, პროექტის ფარგლებში გათვალისწინებულია მინდობითი აღზრდის პროგრამის ხელშეწყობა, რაც მოიაზრებს მიმღები მშობლების მოზიდვას, გადამზადებასა და ბავშვის განთავსების შემდგომ პროფესიულ მხარდაჭერას.

    შეხვედრაზე აღინიშნა, რომ მნიშვნელოვანია, დუშეთის მუნიციპალიტეტში მცხოვრები ბავშვები, რომლებიც, გარკვეული მიზეზების გამო, განცალკევებულნი არიან თავიანთი ბიოლოგიური ოჯახებისგან, არ დაშორდნენ გარემოს, მეგობრებს, ნათესავებს და განთავსდნენ ალტერნატიული ზრუნვის ოჯახთან მიახლოებულ ყველაზე მისაღებ პროგრამაში - მინდობით აღზრდაში.

    ყოველივე ეს ხელს შეუწყობს ბიოლოგიურ ოჯახებთან მათ მალე დაბრუნებას.

    ბავშვთა უფლებების კოდექსის თანახმად, მუნიციპალიტეტებს გადაეცათ მნიშვნელოვანი პასუხისმგებლობები ბავშვთა კეთილდღეობის სფეროში. ყველაზე მნიშვნელოვანი მათ შორის არის პრევენციული საქმიანობის გაძლიერება, რაც შეამცირებს ბავშვთა მიმართ ძალადობის შემთხვევებს და დაეხმარება მშობლებს პოზიტიური აღზრდის მიდგომებში.

    პროექტის ფარგლებში, დუშეთის მუნიციპალიტეტის მერიის ბავშვთა დაცვის სფეროში მომუშავე სპეციალისტები სამი წლის განმავლობაში მონაწილეობას მიიღებენ სხვადასხვა თემატიკის ტრენინგში, რომლებიც დაეხმარებათ ბავშვებთან და ოჯახებთან მუშაობის პროცესში.

    შეხვედრის დასრულებისას მხარეები შეთანხმდნენ შემდგომ თანამშრომლობაზე.

    21
    მაისი

    ფესტივალი ,,ოქროს ნიღაბი’’

    ✅ დუშეთის მუნიციპალიტეტის მერიის მხარდაჭერით, ა(ა)იპ ,, დუშეთის მუნიციპალიტეტის კულტურულ-საგანმანათლებლო ცენტრისა’’ და ილია ზაქაიძის სახელობის დუშეთის კულტურის სახლის ორგანიზებით თეატრალური ფესტივალი ,,ოქროს ნიღაბი’’ გაიმართა.

    ფესტივალში მონაწილეობა მიიღეს დაბა ფასანაურის N1, სოფელ ბარისახოს საჯარო სკოლებმა და დუშეთის კულტურის სახლის ლიტერატურის და მეტყველების წრის წევრებმა.

    🔹ჟიურიმ ფესტივალის მთავარი პრიზი- გრან-პრი დაბა ფასანაურის საჯარო სკოლას მიენიჭა. მათ მიერ შორენა ჯოჯუას ხელმძღვანელობით წარმოდგენილი იყო მიუზიკლი „მუსიკის ჰანგები“.

    🏆პირველი ადგილის მფლობელი გახდა ბარისახოს საჯარო სკოლა ზაზა გორელიშვილის ხელმძღვანელობით თეატრალური წარმოდგენით „ბულბულის იუბილე“. ხოლო, მეორე ადგილი დაიკავეს დუშეთის კულტურის სახლის ლიტერატურისა და მეტყველების წრის წევრებმა თეატრალიზებული სპექტაკლისთვის ,, ნიკო ფიროსმანის ცხოვრება’’. ხელმძღვანელი - ქეთევან ნავროზაშვილი.

    🏆 ნომინაციებში: არტისტიზმი, ჟიურის სიმპათია, მაყურებლის სიმპათია, საუკეთესო თეატრალური კოსტიუმი - გამარჯვებულებს გადაეცათ ფასიანი საჩუქრები.

    🔹ფესტივალში მონაწილე ყველა ბავშვი დაჯილდოვდა დიპლომით.

    🔹ღონისძიებას ქ. დუშეთის ილია ზაქაიძის სახელობის კულტურის სახლი მასპინძლობდა.

    20
    მაისი

    დღეს, დუშეთის მუნიციპალიტეტის საჯარო სკოლებში 236 მე-12 კლასელისთვის დაირეკა ბოლო ზარი

    „დღეს, დუშეთის მუნიციპალიტეტის საჯარო სკოლებში 236 მე-12 კლასელისთვის დაირეკა ბოლო ზარი.

    მინდა ყველას მოგილოცოთ სკოლის დამთავრება.

    თქვენთვის ცხოვრების სრულიად ახალი ეტაპი იწყება. თითოეულ თქვენგანს გისურვებთ წარმატებას პირად და საზოგადოებრივ საქმიანობაში, ყველა ოცნების ასრულებას, თქვენი ნიჭისა და საქმიანობის რეალიზებას ჩვენი ქვეყნის სასიკეთოდ.

    მჯერა, რომ ასახელებთ ოჯახს, მუნიციპალიტეტს.

    გახსოვდეთ, რომ თქვენ ჩვენი ქვეყნის მომავალი ხართ.“

    დუშეთის მუნიციპალიტეტის მერი მაცაცო ნარიმანიძე.

    14
    მაისი

    ქალაქ დუშეთის სახელოვნებო სკოლაში კომპოზიტორ შალვა დავითაშვილის შემოქმედებითი საღამო გაიმართა

    ✅ დუშეთის სახელოვნებო სკოლაში კომპოზიტორ შალვა დავითაშვილის შემოქმედებითი საღამო გაიმართა.

    🔖🎼 მუსიკალურ საღამოზე მსმენელის წინაშე, შალვა დავითაშვილის სახელობის მუსიკოსთა კონკურს-ფესტივალში გამარჯვებული და დუშეთის სახელოვნებო სკოლის წარჩინებული მოსწავლეები წარსდგნენ.

    🔖🎼კონკურსი ტარდება ყოველწლიურად შალვა დავითაშვილის საზოგადოების, ქ. თელავის მერიის, სსიპ-თელავის ნიკო სულხანიშვილის სახელობის სამუსიკო სასწავლებლის მიერ, საქართველოს კომპოზიტორთა კავშირისა და ა(ა)იპ თელავის ნიკო სულხანიშვილის სახელობის N1 სამუსიკო სკოლის მხარდაჭერით;

    თავდაპირველად კონკურსში მხოლოდ კახეთის რეგიონის მოსწავლე-ახალგაზრდები იღებდნენ მონაწილეობას, ხოლო, 2017 წლიდან უკვე საქართველოს სხვადასხვა კუთხიდან, მათ შორის დუშეთიდან შეუერთდნენ შემსრულებლები.

    🔖🎼კომპოზიტორი შალვა დავითაშვილი დაიბადა 1934 წ. ქ. თელავში. იგი იყო ხელოვნების დამსახურებული მოღვაწე, ვაჟა ფშაველას, ზურაბ ანჯაფარიძის და კომპოზიტორთა კავშირის პრემიის ლაურეატი. ფაზისის მეცნიერებათა აკადემიის აკადემიკოსი, ღირსების ორდენის კავალერი.

    აღსანიშნავია, რომ კომპოზიტორს თავისი შემოქმედების დიდი ნაწილი შექმნილი აქვს ვაჟა-ფშაველას ნაწარმოებებზე.

    🔖 ღონისძიებას, დუშეთის მუნიციპალიტეტის მერი მაცაცო ნარიმანიძე ადგილობრივი ხელისუფლების წარმომადგენლებთან, მოწვეულ სტუმრებთან და მოსახლეობასთან ერთად ესწრებოდა.

    1
    თებერვალი

    დუშეთის მუნიციპალიტეტის საკრებულომ 2024 წლის პირველი სხდომა გამართა

    ✅️დუშეთის მუნიციპალიტეტის საკრებულომ 2024 წლის პირველი სხდომა გამართა, რომლის ფარგლებშიც მომხსენებლად, მოადგილეებთან ერთად, წარდგა დუშეთის მუნიციპალიტეტის მერი მაცაცო ნარიმანიძე.

    🔷️ სხდომას საკრებულოს თავმჯდომარე კახაბერ ჩიტაური უძღვებოდა.

    🔵სხდომაზე საკრებულოს წევრებმა, მერიის წარმომადგენლებთან ერთად, დღის წესრიგით გათვალისწინებულ 8 საკითხზე იმსჯელეს, მათ შორის:

    🔷️დუშეთის მუნიციპალიტეტის საშუალოვადიანი განვითარების დოკუმენტის და სამოქმედო გეგმის დამტკიცების თაობაზე;

    🔷️ მდინარე არაგვის ხეობაში განთავსებული წყალმომარაგების წყაროებისა და სასმელ-სამეურნეო დანიშნულების წყალმომარაგების ინფრასტრუქტურული ობიექტების სანიტარიული დაცვის ზონების დადგენისა და მართვის წესის დამტკიცების შესახებ;

    🔷️ დუშეთის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობებისა და გამწვანების პროექტის შეთანხმების პირობების დამტკიცების შესახებ;

    🔷️ დაბა ფასანაურში და ბაზალეთის ადმინისტრაციულ ერთეულში მდებარე უსახელო ქუჩების სახელდების შესახებ;

    🔷️საკრებულოს გადაწყვეტილებით, ცვლილება შევიდა 2023 წლის 22 დეკემბრის N27 დადგენილებით დამტკიცებული 2024 წლის ბიუჯეტის ნაწილში.

    ➡️შეგახსენებთ, რომ საკრებულოს სხდომა ღიაა და მასზე დასწრება ნებისმიერ მოქალაქეს შეუძლია.

    25
    დეკემბერი

    დუშეთის მუნიციპალიტეტის საკრებულოს რიგგარეშე სხდომა გაიმართა

    დუშეთის მუნიციპალიტეტის საკრებულოს რიგგარეშე სხდომა გაიმართა.

    სხდომას, საკრებულოს თავმჯდომარე კახაბერ ჩიტაური მოადგილეებთან ელგუჯა უნდილაშვილთან და გვანცა ესტატიშვილთან ერთად უძღვებოდა, მომხსენებლად წარდგა დუშეთის მუიციპალიტეტის მერის პირველი მოადგილე ვასილ წიკლაური.

    საკრებულოს წევრებმა დღის წესრიგით გათვალისწინებულ საკითხებზე იმსჯელეს.

    საკრებულოს სხდომას დეპუტატებთან ერთად ესწრებოდნენ მუნიციპალიტეტის მერიის

    შესაბამისი სამსახურების ხელმძღვანელები.

    შეგახსენებთ, რომ საკრებულოს სხდომა ღიაა და მასზე დასწრება ნებისმიერ მოქალაქეს შეუძლია.

    16
    დეკემბერი

    25 დეკემბერს ქ. დუშეთის ცენტრალურ მოედანზე საახალწლო ღონისძიება გაიმართება. დასაწყისი: ⏰ 14:00 საათი

    21
    თებერვალი

    25 თებერვალს, 10:30 სთ-ზე, ჩატარდება დუშეთის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის სხდომა.