23 სექტემბერს, 18:30 საათზე, ილია ზაქაიძის სახელობის დუშეთის კულტურის სახლში საყმაწვილო ფოლკორულ-ეთნოგრაფიული სტუდია "ამერ-იმერი" გამართავს მუსიკალურ ღონისძიებას.
პროექტი მხარდაჭერილია საქართველოს კულტურის, სპორტის და ახალგაზრდობის სამინისტროს მიერ.
გთხოვთ, მობრძანდეთ!
დასწრება თავისუფალია
დღეს, მთავრობის ადმინისტრაციის ორგანიზებით, დუშეთში მუსიკალური საღამო გაიმართება.
ამ წუთებში ადგილზე მოსამზადებელი სამუშაოები მიმდინარეობს.
ღონისძიების ფარგლებში, დუშეთის ბულვარის ტერიტორიაზე 19:00 საათიდან 22:00 საათამდე მრავალფეროვანი აქტივობები ჩატარდება. მათ შორის მოეწყობა ადგილობრივ მეწარმეთა პროდუქციის გამოფენა-გაყიდვა, თემატური ფოტოზონა, შემეცნებითი სტენდები, მოსასვენებელი სივრცეები და საბავშვო გასართობი აქტივობები.
ღონისძიება მოწვეული შემსრულებლების კონცერტით დასრულდება.
გვეწვიეთ, ერთად გავატაროთ #მუსიკალურისაღამო
,,დაგეგმე შენი ბიუჯეტის" პროექტის ფარგლებში საინფორმაციო შეხვედრა ქალაქ დუშეთში გაიმართა.
მოსახლეობას გავაცანით ინფორმაცია საპროექტო იდეების წარდგენის წესისა და ვადების შესახებ.
საპროექტო წინადადება უნდა ითვალისწინებდეს მხოლოდ საზოგადოებრივი მნიშვნელობის ობიექტის მოწყობას ან სერვისის შექმნას, რომლითაც ყველა მოქალაქე შეუფერხებლად ისარგებლებს;
პროექტის სავარაუდო ღირებულება არ უნდა აღემატებოდეს 250 000 ლარს.
საპროექტო იდეების მიღების ვადა იწურება 30 სექტემბერს.
პროექტი ხორციელდება გერმანიის საერთაშორისო
თანამშრომლობის საზოგადოების (GIZ - Deutsche Gesellschaft für Internationale Zusammenarbeit) მხარდაჭერით პროგრამის „კარგი ფინანსური მმართველობა ადგილობრივ დონეზე საქართველოში“ ფარგლებში
დუშეთის მუნიციპალიტეტის მერიაში მიწის სისტემური რეგისტრაციის თაობაზე საჯარო რეესტრის წარმომადგენლებთან საინფორმაციო სახის შეხვედრა გაიმართა.
წარმომადგენელთა თქმით, მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ საქართველოს კანონის მიზანია, უზრუნველყოს იმ გამოწვევების და პრობლემების დაძლევა, რაც აქამდე მიწის ნაკვეთებზე უფლებათა რეგისტრაციის პროცესში არსებობდა.
ამ ეტაპზე აღნიშნული პროცესი უკვე დაიწყო დუშეთის და მჭადიჯვრის ადმინისტრაციულ ერთეულებში და 2024 წლის ბოლომდე, ის ყველა ადმინისტრაციულ ერთეულს მოიცავს.
შეხვედრას მერიის და საკრებულოს თანამშრომლებთან ერთად ესწრებოდა დუშეთის მუნიციპალიტეტის მერის მოადგილე ოთარ ჩხეიძე.
დუშეთის მუნიციპალიტეტში საკრებულოს მორიგი სხდომა გაიმართა. სხდომაზე, რომელსაც საკრებულოს თავმჯდომარე კახაბერ ჩიტაური მოადგილესთან ელგუჯა უნდილაშვილთან ერთად უძღვებოდა, მომხსენებლად წარდგა დუშეთის მუნიციპალიტეტის მერის პირველი მოადგილე ვასილ წიკლაური, სტატისტიკის, ეკონომიკის განვითარებისა და გარემოს დაცვის განყოფილების უფროსი ამირან ძლიერიშვილი, საკრებულოს აპარატის სამართლებრივი უზრუნველყოფისა და საზოგადოებასთან ურთიერთობის განყოფილების უფროსი იოსებ ჭონქაძე.
სხდომაზე საკრებულოს წევრებმა დღის წესრგით გათვალისწინებულ 11 საკითხზე იმსჯელეს. მათ შორის იყო: დუშეთის მუნიციპალიტეტის საკუთრებაში არსებული უძრავი ქონების - ქ. დუშეთში ერეკლე მეორეს ქ. N17-ში მდებარე შენობა-ნაგებობის სარდაფის, (ყოფილი კაფე-ბარი, უძრავი ქონების ს/კ 71.51.02.203.01.509) 367.62 კვ.მ ფართის და ამავე მისამართზე მდებარე 104,9 კვ.მ ფართის (უძრავი ქონების ს/კ 71.51.02.203.01.502), სასყიდლიანი სარგებლობის უფლებით, იჯარის ფორმით განკარგვის მიზნით, პირობებიანი ელექტრონული აუქციონის გამოსაცხადებლად, დუშეთის მუნიციპალიტეტის მერისთვის თანხმობის მიცემის შესახებ. ასევე, ჟინვალის, ლაფანაანთკარის, ჭოპორტის, გრემისხევის და ანანურის ადმინისტრაციულ ერთეულებში შემავალ სოფლებში მდებარე უსახელო ქუჩების სახელდების შესახებ.
საკრებულოს სხდომას დეპუტატებთან ერთად ესწრებოდნენ მერიის შესაბამისი სამსახურების ხელმძღვანელები.
შეგახსენებთ, რომ საკრებულოს სხდომა ღიაა და მასზე დასწრება ნებისმიერ მოქალაქეს შეუძლია.
დუშეთის მუნიციპალიტეტში საკრებულოს მორიგი სხდომა გაიმართა. სხდომაზე, რომელსაც საკრებულოს თავმჯდომარე კახაბერ ჩიტაური მოადგილესთან ელგუჯა უნდილაშვილთან ერთად უძღვებოდა, მომხსენებლად წარდგა დუშეთის მუნიციპალიტეტის მერის პირველი მოადგილე ვასილ წიკლაური.
სხდომაზე საკრებულოს წევრებმა დღის წესრგით გათვალისწინებულ 12 საკითხზე იმსჯელეს. მათ შორის იყო: სოფლის მხარდაჭერის პროგრამის ფარგლებში 2023 წელს დუშეთის მუნიციპალიტეტში განსახორციელებელი პროექტების ნუსხა, ა(ა)იპ არაგვის დაცული ლანდშაფტის ადმინისტრაციის დებულება და ბაზალეთის, ჭართლის, ფასანაურის, გრემისხევის, მჭადიჯვრის და ჭონქაძის ადმინისტრაციულ სოფლებში უსახელო ქუჩების სახელდება.
25 დეკემბერს ქ. დუშეთის ცენტრალურ მოედანზე საახალწლო ღონისძიება გაიმართება. დასაწყისი: 14:00 საათი
25 თებერვალს, 10:30 სთ-ზე, ჩატარდება დუშეთის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის სხდომა.