ქ. დუშეთში, "ევროპის სპორტული კვირეულის" ფარგლებში გაიმართა რესპუბლიკური ტურნირი ჭიდაობა სამბოში. შეჯიბრი მიეძღვნა მსოფლიო თასის მფლობელის, ვარსკვლავთა ჩემპიონატის გამარჯვებულის - იოსებ როსტიაშვილის 60 წლის იუბილეს. ტურნირში მონაწილეობდნენ დუშეთის, მცხეთის, თბილისის, კასპის, საგარეჯოს გუნდები. საპრიზო ადგილზე გასულ სპორტსმენებს გადაეცათ მედლები, დიპლომები, თასები.

სპორტულ ღონისძიებას ესწრებოდა დუშეთის მუნიციპალიტეტის მერის მოადგილე თამაზ უნდილაშვილი.