24 აპრილს, ბუნებრივი კატასტროფების რისკის შემცირების პროექტის ფარგლებში, გრემისხევის ადმინისტრაციულ ერთეულში იმყოფებოდნენ დუშეთის მუნიციპალიტეტის გამგებლის თანაშემწე- თინათინ ცოცხალაშვილი და გამგებლის წარმომადგენლებთან კოორდინაციის განყოფილების უფროსი - მიხეილ კარიაული, რომლებმაც „ოქსფამისა“ და „ბრიჯ-ინოვაცია და განვითარების“ წარმომადგენლებთან ერთად მოინახულეს 8 თვის განმავლობაში შესრულებული სამუშოები. მონიტორინგის ჯგუფმა, რომელშიც შედიოდნენ ოქსფამის გენერალური დირექტორი- ქეთი გეთიაშვილი, კატასტროფების რისკების შემცირების კოორდინატორი- ნინო მარკოზაშვილი და ბრიჯ ინოვაცია და განვითარების წარმომადგენელი- ანა პალონკა, გრემისხევის საბავშვო ბაღს ორგანიზაციისა და მუნიციპალიტეტის სახელით, ენერგო-ეფექტური ღუმელი გადასცა. ასევე, გრემისხევის ადმინისტრაციულ შენობაში მოეწყო შეხვედრა საინიციატივო და მოხალისე მაშველთა ჯგუფებთან, ლობისტთან და ეკო-კლუბის წევრებთან. შეხვედრაზე განხილულ იქნა მიმდინარე და დაგეგმილი აქტივობები. „ბუნებრივი კატასტროფების რისკების შემცირების“ პროექტი ხორციელდება „ევროკომისიის რისკების მიმართ მდგრადობის გაძლიერების პროგრამის (DIPECHO) ფარგლებში და დუშეთის მუნიციპალიტეტში, საპილოტედ შერჩეულია გრემისხევის ადმინისტრაციული ერთეული.



იხ. ფოტომასალა:

https://www.facebook.com/pg/dushetismunicipaliteti/photos/?tab=album&album_id=1284108138375487