2018 წლის 12 აპრილს, დუშეთის მუნიციპალიტეტის მერიაში, ადგილობრივი ხელისუფლებისა და ,,საქართველოს ადგილობრივი თვითმმართველი ერთეულების ფინანსისტთა ასოციაციის’’ ორგანიზებით, ადგილობრივი თვითმმართველობის მოხელეთათვის გაიმართა სწავლება-ტრენინგი პროგრამული ბიუჯეტისა და შიდა ფინანსური კონტროლის განხორციელების წესების შესახებ.

ტრენინგს უძღვებოდა ,,საქართველოს ადგილობრივი თვითმმართველი ერთეულების ფინანსისტთა ასოციაციის’’ თავმჯდომარე -დავით ხოსრუაშვილი. მან დამსწრე საზოგადოებას დეტალურად გააცნო ბიუჯეტის პროექტის მომზადებისა და აღასრულების თანამედროვე მიდგომა, რომელიც ითვალისწინებს მოსახლეობის ჩართულობის ზრდას ბიუჯეტირების პროცესში, აგრეთვე მუნიციპალიტეტის პრიორიტეტების დოკუმენტის დაგეგმვისა და შედგენის ის თანამედროვე პრინციპები, რომლებიც შემუშავდა საქართველოს მთავრობის მიერ ინიცირებული პროექტის ფარგლებში -,,დაგეგმე და აკონტროლე’’.

სწავლებას ესწრებოდნენ: დუშეთის მუნიციპალიტეტის მერის პირველი მოადგილე- გიორგი თანიაშვილი, საკრებულოს თამჯდომარე- გიორგი ინაშვილი, მუნიციპალიტეტის მერიისა და საკრებულოს ის თანამშრომლები, რომლებიც უშუალოდ არიან ჩართულნი ბიუჯეტის შედგენა-აღსრულებაში, სხვა დარგობრივი სამსახურის სპეციალისტები და მუნიციპალიტეტის მიერ დაფუძნებული იურიდიული პირების წარმომადგენლები.



იხილეთ ფოტომასალა: https://www.facebook.com/pg/dushetismunicipaliteti/photos/?tab=album&album_id=1630046483781649